Lokal fritidskasse

Ordninga lokal fritidskasse kan bidra til å dekke kostnadar til faste organiserte fritidsaktivitetar for born og unge i skulealder (6-16 år) med bustadadresse i Øystre Slidre, som står i fare for utanforskap på ulike fritidsarenaer på grunn av økonomi. Ordninga er organisert i samarbeid mellom Øystre Slidre kommune og lag og organisasjonar som tilbyr aktivitet for born og unge. Ordninga er basert på  tilskot til inkludering av born og unge i fritidsaktivitetar frå Bufdir.  

Lokal fritidskasse kan dekke

• deltakaravgift / medlemskontingent / treningsavgift i organiserte fritidsaktivitetar
• deltakaravgift til cup / leir
• reiseutgifter til eller frå organiserte fritidsaktivitetar / cupar / leir
• kostnadar til utstyr og evt. andre utgifter som er påkravde for å kunne ta del i faste organiserte aktivitetar

Det er vilkår om at utgiftene skal vere knytt til bruk i faste organiserte fritidsaktivitetar i regi av lag og foreiningar. 

Ordninga dekkjer ikkje innkjøp av kostbart utstyr tiltenkt bruk i privat regi. Her oppmodar kommunen laga om å bruke eigne utlånsordningar for utstyr, eller å nytte seg av Utstyrssentralen i kommunen.  

Kven kan søkje?

Lag og foreiningar som er registrerte i Øystre Slidre kommune og som har ei formell rolle ovanfor målgruppa, kan søkje om midlar frå lokal fritidskasse. Det er laget eller foreininga som søkjer om midlar for å dekkje sine utgifter, ikkje brukaren. 

Les meir om ordninga og søk lokal fritidskasse på kommunen sine heimesider.