-
Vil du spele fotball i sumar?
2025-sesongen er i godt i gang for Øystre Slidre/Rogne fotballgruppe. Laga trenar og spelar kampar på ulike tidspunkt. Ta kontakt dersom du/de ynskjer å vera med!
Gaming-camp i sumarferien
Start sumarferien med ei veke full av gaming og andre sosiale aktivitetar. Meld deg på innan 1. juni.For tredje år på rad, arrangerer Nettverket E-sportsenter og Øystre Slidre kommune GamingCamp for born og unge frå 5-10.klasse (klassen du går i hausten 25). Campen er frå 23.-27 juni.
Årets camp går over fem dagar, der vi har plass til 20 deltakarar. I tillegg tilbyr vi sumarjobb som aktivitetsleiarar for to ungdomar mellom 14 og 17 år. GC25 er gratis for alle deltakarar i 2025! Dette er gjort mogleg med støtte frå Gjensidigestiftelsen.
Aktivitetane går frå kl.08.00 – 16.00 kvar dag, måndag til fredag. Me vil skreddarsy ei veke med mykje sosial gaming, men og andre fysiske og sosiale aktivitetar på og rundt Nettverket E-sportsenter.
GC25 har plass til inntil 20 deltakarar.
Søknadsfristen er 1. juni (sjå skjema nederst). Alle vil få svar med tilbod om plass eller avslag på søknad innan 10.juni. Dei som får plass må skrive under på ei deltakaravtale, med underskrift frå føresett.
GC25 vil gå føre seg i og kring Nettverket E-sportsenter ved Heggenes, der me har alt utstyr tilgjengeleg. Du bør ha eigen konto/lisens til spela du skal spele, men vi har også eigne lisensar du kan låne.
GC25 er gratis å vere med på, inkl. alle aktivitetar. Alle deltakarar også vil få servert felles frukost og lunsj kvar dag, samt årets t-skjorte og drikkeflaske.
Sumarjobb som aktivitetsleiar?
Er du mellom 14-17 år og interessert i gaming og e-sport, kan du få sumarjobb som aktivitetsleiar på GC25. Me søkjer to ungdomar som vil vere med oss å arrangere GC25. Me vil publisere meir info om utlysinga og søknadsprosess litt seinare i mai.
Kontakt:
Øystein Skattebu - oystein.skattebu@oystre-slidre.kommune.no - 41222840
Påmeldingsfrist 1. juni: https://forms.office.com/Pages/ResponsePage.aspx?id=3jr_Lr2Rok-w01jrUyvitW2bZKxK4TJGrJEYE2yAaWlURVNSM0JEUDVUMUlPMUw1NDJXUzhES09VQiQlQCN0PWcu
Del på:
Flere nyheter
-
17.mai i Øystre Slidre
Årets 17. mai-komité og Øystre Slidre kommune ynskjer velkomen til 17. mai-feiring! Vi har dei siste åra jobba for å vidareutvikle 17. mai-arrangementet på Tingvang som eit triveleg og meir samlande og intimt arrangement, og håpar at vi lykkast med det også i år. Det er foreldra i 6. klasse på Lidar og Rogne skule som er ansvarlege for gjennomføring av arrangementet på Heggenes og Tingvang, i samarbeid med kommunen.
-
Invitasjon til dialogmøte med lag og foreningar. Tema: UNGDOM
Torsdag 22. mai kl. 18.30 i Ungdomens kulturhus Gapahuken
-
Lokal fritidskasse
Tilbyr ditt lag aktivitetar for barn og unge? Set dykk inn i ordninga "lokal fritidskasse" som skal bidra til å inkludere barn og unge i faste organiserte aktivitetar.